सनातन प्रभात > Post Type > बातम्या > राष्ट्रीय बातम्या > फतेहपूर (उत्तरप्रदेश) येथे चर्चमध्ये प्रार्थनासभेच्या नावाखाली हिंदूंचे धर्मांतर करण्याचे षड्यंत्र हिंदुत्वनिष्ठ संघटनांनी हाणून पाडले !

फतेहपूर (उत्तरप्रदेश) येथे चर्चमध्ये प्रार्थनासभेच्या नावाखाली हिंदूंचे धर्मांतर करण्याचे षड्यंत्र हिंदुत्वनिष्ठ संघटनांनी हाणून पाडले !

  • अशा चर्चला टाळे ठोकून ते सरकारने कह्यात घेतले पाहिजे आणि संबंधितांना कठोर शिक्षा होण्यासाठी प्रयत्न केला पाहिजे ! – संपादक
  • हिंदूंना धर्मनिरपेक्षतेचे डोस पाजण्यात आले असल्याने ते अन्य धर्मियांच्या धार्मिकस्थळी जातात; मात्र अन्य धर्मीय कधीही हिंदूंच्या धार्मिकस्थळी येत नाहीत, हे हिंदू कधी लक्षात घेणार ? – संपादक
घटनास्थळ

फतेहपूर (उत्तरप्रदेश) – येथील हरिहरगंज मोहल्ल्यातील चुनावाली गल्लीत असणार्‍या चर्चमध्ये प्रार्थनेच्या नावाखाली गरीब हिंदूंना आमीष दाखवून त्यांचे धर्मांतर करण्यात येत असल्याची माहिती मिळाल्यावर विश्‍व हिंदु परिषद आणि बजरंग दल यांचे कार्यकर्ते मोठ्या संख्येने तेथे पोचले. त्यांनी चर्चच्या प्रवेशद्वाराला टाळे ठोकले.

चर्चच्या पाद्य्राला प्रार्थनासभेविषयी विचारण्यात आल्यावर त्याने मान्य केले की, या सभेला उपस्थित ७० पैकी ५० जण हिंदू आहेत. त्यानंतर पोलिसांना याची माहिती देण्यात आली. पोलिसांनी चर्चमध्ये असलेल्या सर्वांना बाहेर काढून त्यांची माहिती घेतली, तसेच या प्रकरणी २६ जणांना अटक केली.

नूतन लेख