भाजप आमदार सुधीर गाडगीळ यांच्या वाढदिवसाच्या निमित्ताने विविध विकासकामांचे उद्घाटन आणि गरजवंतांना साहाय्य !

सांगली, ६ एप्रिल (वार्ता.) – सांगली विधानसभा मतदारसंघातील कार्यसम्राट भाजप आमदार श्री. सुधीर गाडगीळ यांच्या ४ एप्रिल या दिवशी झालेल्या वाढदिवसाच्या निमित्ताने विविध विकासकामांचे उद्घाटन आणि गरजवंतांना साहाय्य करण्यात आले. गावभाग येथील केशवनाथ मंदिरात श्री. गाडगीळ यांच्या दीर्घायुष्यासाठी महारुद्राअभिषेक करण्यात आला. नगरसेविका सौ. उर्मिला बेलवलकर यांनी या अभिषेकाचे आयोजन केले होते.

नगरसेवक जगन्नाथ ठोकळे यांच्या प्रभाग क्रमांक १० मधील ८० लाख रुपयांच्या रस्त्याचे उद्घाटन करण्यात आले. घन:शामनगर येथील कर्णसंस्थेमध्ये तेथील अनाथ मुलांना जीवनावश्यक वस्तूंचे वाटप करण्यात आले, तर यशवंतनगर, कुपवाडमध्ये भगिनी निवेदिता संस्थेमध्ये ‘एल्.सी.डी. टीव्ही’ प्रदान करण्यात आला. आपटा पोलीस चौकी जवळील बेघर लोकांसाठी अन्नदान करण्यात आले, तसेच गरजू शालेय विद्यार्थिनींना सायकल वाटप करण्यात आले. आमदार सुधीर गाडगीळ यांना अनेकांनी प्रत्यक्ष भेटून आणि दूरभाषद्वारे शुभेच्छा दिल्या. हिंदु जनजागृती समितीचे श्री. संतोष देसाई आणि सनातन संस्थेच्या सौ. स्मिता माईणकर यांनी भेटून आमदार श्री. गाडगीळ यांना शुभेच्छा दिल्या.