गुरुग्राम (हरियाणा) येथे मंदिरातील ९० वर्षीय पुजाऱ्याची हत्या !

भारतात अनेक राज्यांमध्ये पुजारी, संत आणि महंत यांच्या हत्या झाल्या आहेत. हिंदुबहुल देशात हिंदूंना धार्मिक मार्गदर्शन करणाऱ्यांची अशा प्रकारे हत्या होणे, हे लज्जास्पद !

गुरुग्राम (हरियाणा) – येथील कादरपूर गावातील मोहन राम मंदिरातील गोविंद दास नावाच्या ९० वर्षीय पुजाऱ्याची निर्घृण हत्या करण्यात आली. मारेकऱ्यांनी पुजाऱ्याचे शीर धडापासून वेगळे केले आणि नंतर पुजाऱ्याचा मृतदेह ब्लँकेटने झाकून पलायन केल्याचे आढळून आले आहे.

४० वर्षांपूर्वी हे मंदिर बांधले गेले, तेव्हापासून गोविंद दास येथे पुजारी म्हणून सेवारत होते. गेल्या एक वर्षापासून ते अर्धांगवायूने त्रस्त असल्याने त्यांना चालताही येत नव्हते. त्यांच्यासाठी मंदिरात एक सेवक ठेवलेला होता. हा सेवक २९ मार्च या दिवशी सकाळी त्याच्या गावी गेला आणि त्याच रात्री उशिरा गोविंद दास यांची हत्या झाली. पोलीस या घटनेचे अन्वेषण करत आहेत.