४० सहस्र रुपयांची लाच घेतांना अभियंत्याला अटक !

भ्रष्टाचार मुळापासून उपटून काढण्यासाठी नीतीमान प्रशासन हवे. सर्वांना धर्मशिक्षण दिले, तर नीतीमान समाजाची निर्मिती होऊ शकते ! – संपादक

संभाजीनगर – येथे सार्वजनिक बांधकाम विभागाच्या संजय पाटील या शाखा अभियंत्याच्या घरामध्ये २७ लाखांची रोकड आणि ८५ तोळे सोने लाचलुचपत विभागाने टाकलेल्या धाडीत मिळाले आहे. येथील मुकुंदवाडी परिसरातील एका मंदिराच्या सभागृहाचे देयक काढून देण्यासाठी त्यांनी १ लाख २५ सहस्र रुपयांची लाच मागितल्याचे पुढे आले आहे. त्यांपैकी ४० सहस्र रुपयांची लाच घेतांना त्यांना अटक करण्यात आली.