चीनमधील कोरोनाच्या वाढत्या रुग्णसंख्येवरून भारताच्या केंद्रीय मंत्र्यांनी घेतली उच्चस्तरीय बैठक

नवी देहली – चीनमध्ये अचानक कोरोनाच्या रुग्णांच्या संख्येत वाढ होत आहे. दक्षिण कोरियामध्येही रुग्णांची वाढ होत आहे. या पार्श्‍वभूमीवर केंद्रीय आरोग्यमंत्री मनसुख मांडविया यांच्या अध्यक्षतेखाली उच्चस्तरीय बैठक आयोजित करण्यात आली होती.

या बैठकीत आरोग्यमंत्र्यांनी अधिकार्‍यांना रुग्णसंख्या वाढण्याविषयी सतर्कता, संसर्गावर बारीक लक्ष ठेवणे आणि अधिकाधिक ‘जीनोम सिक्वेन्सिंग’ तपासणी करण्यास सांगितले आहे. या बैठकीला देशातील प्रमुख डॉक्टर, आरोग्य सचिव, जैवतंत्रज्ञान विभाग सचिव आदी उपस्थित होते.