पुणे येथे अडीच वर्षीय बालिकेवर बलात्कार करून तिची हत्या करणार्‍यास मरेपर्यंत फाशीची शिक्षा !

समाजाची विकृत मनोवृत्ती सुधारण्यासाठी धर्मशिक्षण देणे आणि त्यानुसार समाजाकडून आचरण करून घेणेच आवश्यक आहे, हे दर्शवणारी घटना ! – संपादक 

पुणे – जिल्ह्यातील वेल्हे शहरातील अडीच वर्षीय बालिकेचे अपहरण करून तिच्यावर लैंगिक अत्याचार करत तिची हत्या करणारा नराधम संजय काटकर याला न्यायालयाने मरेपर्यंत फाशीची शिक्षा सुनावली आहे. पुणे ग्रामीण पोलीस अधीक्षकांच्या विनंतीनुसार शिवाजीनगर न्यायालयामध्ये जलदगतीने खटला चालवण्यात आला होता.

वेल्हे पोलीस ठाण्यामध्ये १५ फेब्रुवारी २०२१ या दिवशी मुलगी हरवल्याची तक्रार नोंदवण्यात आली होती. मुलीचा शोध घेतांना १६ फेब्रुवारी या दिवशी मालखेड ते थोपटेवाडीकडे जाणार्‍या रस्त्यावर मुलीचा मृतदेह पोलिसांना सापडला. वेल्हे पोलिसांनी ‘सीसीटीव्ही फुटेज’ आणि रिक्शावाला, दुकानदार अन् इतर साक्षीदार यांच्याकडून मिळालेल्या माहितीनुसार आरोपीला दुर्गम भागांतून ४८ घंट्यांमध्ये कह्यात घेतले होते.