आठ वर्षांच्या मुलीवर अत्याचार करणार्‍या नराधम दुकानदारास २० वर्षांची सक्तमजुरी !

असुरक्षित अल्पवयीन मुली !

पुणे – दुकानामध्ये वेफर्स आणण्यासाठी गेलेल्या ८ वर्षांच्या मुलीवर अत्याचार करणार्‍या प्रकाश बाबूराव ओझा या दुकानदाराला २० वर्षे सक्तमजुरी आणि १० सहस्र रुपये दंडाची शिक्षा विशेष न्यायाधीश व्ही.ए. पत्रावळे यांनी सुनावली. दंडाचे पैसे न भरल्यास अतिरिक्त १ वर्ष कारावास भोगावा लागेल, असेही न्यायालयाने आदेशात म्हटले आहे. ही घटना सहकारनगर पोलीस ठाण्याच्या हद्दीत ७ जुलै २०१९ या दिवशी घडली. पोलीस उपनिरीक्षक राजेंद्र जगताप आणि हवालदार गणेश तळेकर यांनी न्यायालयीन कामकाजासाठी सरकारी पक्षाला साहाय्य केले, तर सुनील हांडे यांनी सरकारी पक्षाच्या वतीने काम पाहिले.