धनबाद (झारखंड) येथे ५ वर्षांच्या मुलीवर बलात्कार करून तिची हत्या करणार्‍याला फाशीची शिक्षा !

बलात्काराच्या प्रकरणांत अशीच शिक्षा होऊ लागली, तर देशातील बलात्काराच्या घटना न्यून होण्यास साहाय्य होईल ! – संपादक

धनबाद (झारखंड) – ५ वर्षांच्या मुलीवरील बलात्कार करून तिची हत्या केल्याच्या प्रकरणी येथील न्यायालयाने डब्ल्यू. मोदी नावाच्या आरोपीला फाशीची शिक्षा सुनावली आहे. न्यायालयाने त्याला ११ सहस्र रुपयांचा दंडही ठोठावला आहे.

२८ एप्रिल २०१८ या दिवशी डब्ल्यू. मोदी याने ‘मुलीला जेवण देतो’ असे मुलीच्या कुटुंबियांना सांगून बाहेर नेले होते. काही काळानंतर तो घरी एकटाच परत आला. कुटुंबियांनी मुलीविषयी विचारणा केली असता त्याने ‘ती कुठे आहे ते ठाऊक नाही’ असे सांगितले. नंतर स्थानिकांनी दिलेल्या माहितीनुसार मोदी याने मुलीला येथील जंगलात नेल्याचे सांगितल्यावर तेथे शोध घेण्यात आल्यावर हत्येची घटना उघडकीस आली.