स्वतंत्र विदर्भ राज्याचा कोणताही प्रस्ताव विचाराधीन नाही ! – केंद्र सरकार

नवी देहली – वेगळ्या विदर्भ राज्यनिर्मितीचा कोणताही प्रस्ताव विचाराधीन नाही, असे उत्तर केंद्रीय गृहराज्यमंत्री नित्यानंद राय यांनी लोकसभेत विचारण्यात आलेल्या प्रश्नावर दिले. गेली अनेक वर्षे ‘विदर्भ स्वतंत्र राज्य करावे’, अशी मागणी केली जात आहे. यासाठी विदर्भवासियांनी आंदोलनेही केली आहेत. नित्यानंद राय म्हणाले की, नवीन राज्य निर्मितीचे व्यापक परिणाम आहेत. त्याचा थेट परिणाम देशाच्या संघीय राजकारणावर होतो.