सांगली जिल्हा मध्यवर्ती बँकेवर महाविकास आघाडीची सत्ता !

सांगली – सांगली जिल्हा मध्यवर्ती बँकेच्या संचालकपद निवडणुकीत महाविकास आघाडीने सत्ता मिळवली असून राष्ट्रवादी काँग्रेस ९, काँग्रेस ५, तर शिवसेना ३ जागी विजयी झाली आहे. महाविकास आघाडीला एकूण १७ जागा मिळाल्या आहेत, तर भाजपला ४ जागी विजय मिळाला आहे. जतमध्ये काँग्रेसचे आमदार आणि जिल्हाध्यक्ष विक्रम सावंत यांचा भाजप उमेदवार प्रकाश जमदाडे यांनी पराभव केला. भाजपच्या वतीने संग्राम देशमुख, सत्यजित देशमुख, प्रकाश जमदाडे आणि राहुल महाडिक विजयी झाले आहेत. शिवसेनेचे तानाजी पाटील, अजितराव घोरपडे हे दोघे विजयी झाले असून शिवसेनेचे आमदार अनिल बाबर यापूर्वी बिनविरोध निवडून आले आहेत.