श्री शिवप्रतिष्ठान हिंदुस्थानच्या वतीने १६ नोव्हेंबरला सांगली येथे करण्यात येणार्‍या आंदोलनात सहभागी व्हा ! – श्री. रावसाहेब देसाई, राष्ट्रीय अध्यक्ष, श्री शिवप्रतिष्ठान हिंदुस्थान

धर्मांधांनी ठिकठिकाणी केलेल्या तोडफोडीचा निषेध

सांगली, १४ नोव्हेंबर (वार्ता.) – त्रिपुरा येथे झालेल्या कथित घटनेच्या निषेधार्थ महाराष्ट्रात धर्मांधांनी ठिकठिकाणी तोडफोड केली. याच्या निषेधार्थ श्री शिवप्रतिष्ठान हिंदुस्थानच्या वतीने सांगलीत मारुति चौकाजवळ असणार्‍या शिवतीर्थावर १६ नोव्हेंबर या दिवशी सकाळी १० वाजता निषेध आंदोलन करण्यात येणार आहे. तरी सर्वपक्षीय आणि सर्व हिंदुत्वनिष्ठ संघटना यांनी यात सहभागी व्हावे, असे आवाहन श्री शिवप्रतिष्ठान हिंदुस्थानचे राष्ट्रीय अध्यक्ष श्री. रावसाहेब देसाई यांनी केले आहे.

याच समवेत श्री शिवप्रतिष्ठान हिंदुस्थानच्या धारकर्‍यांनी जिल्हा, तालुका आणि गाव पातळीवर अमरावती, नांदेड, मालेगाव, हिंगोली येथे झालेल्या घटनेचा निषेध करावा, असे आवाहनही श्री. रावसाहेब देसाई यांनी केले आहे.