वसीम रिझवी यांनी लिहिलेल्या पुस्तकाच्या विरोधात ईश्वरपूर येथे मूक मोर्चा

ईश्वरपूर (जिल्हा सांगली), १२ नोव्हेंबर – येथे समस्त मुसलमान समाजाच्या वतीने १२ नोव्हेंबर या दिवशी दुपारी नमाज पठणानंतर मूक मोर्चा काढण्यात आला. वक्फ बोर्डाचे माजी अध्यक्ष वसीम रिझवी यांनी लिहिलेल्या ‘मोहम्मद’ या पुस्तकात प्रेषित मोहम्मद पैगंबर यांच्याविषयी आक्षेपार्ह लिखाण केल्याचा आरोप मोर्चेकरांनी केला आहे. या मोर्चात वसीम रिजवी यांच्या चित्राला फुली मारलेली होती आणि ‘रिझवी यांच्यावर गुन्हा नोंद करा’, असे फलक मुसलमानांनी हातात धरले होते.