कोणत्याही हिंदुत्वनिष्ठ संघटनेने कोणते आतंकवादी कृत्य केले आहे का ? याचा सलमान खुर्शीद यांनी अभ्यास करावा ! – आमदार सौ. मनीषा कायंदे, शिवसेना

मुंबई – हिंदुत्वनिष्ठ संघटनांची तुलना कोणत्याही आतंकवादी संघटनांशी करणे, हे पूर्णपणे चुकीचे आहे. अशी तुलना करणार्‍या सलमान खुर्शीद यांचा मी निषेध करते. अशी तुलना करण्यापूर्वी कोणत्याही हिंदुत्वनिष्ठ संघटनेने कोणते आंकवादी कृत्य केले आहे का ? याचा प्रथम सलमान खुर्शीद यांनी अभ्यास करावा, असे वक्तव्य शिवसेनेच्या आमदार सौ. मनीषा कायंदे यांनी केले. काँग्रेसचे ज्येष्ठ नेते आणि माजी केंद्रीय मंत्री सलमान खुर्शीद त्यांच्या ‘सनराईझ ओव्हर अयोध्या : नेशनहूड इन अवर टाईम्स’ या त्यांच्या पुस्तकामध्ये हिंदुत्वनिष्ठ संघटनांची तुलना ‘आय.एस्.आय.एस्.’ आणि ‘बोको हरम’ या आतंकवादी संघटनांशी केली आहे. यावरून आमदार मनीषा कायंदे यांनी सलमान खुर्शीद यांचा निषेध केला.