पुणे येथे अवैधरित्या गोवंशियांच्या मांसाची वाहतूक करणार्‍या २ धर्मांधांना अटक !

राज्यात गोवंश हत्याबंदी कायदा लागू असतांनाही त्याची कठोर कार्यवाही होत नसल्यामुळेच गोहत्या थांबत नाहीत ! – संपादक

मुंढवा (जिल्हा पुणे) – येथील बधे वस्ती येथे विनापरवाना गोमांस कापून विक्रीसाठी घेऊन जात असल्याची माहिती ‘अखिल कृषी गोसेवा संघा’च्या सदस्यांनी ३० ऑक्टोबर या दिवशी पोलिसांना दिली. त्याआधारे कारवाई करत मुंढवा पोलीस ठाण्यात आजमुद्दीन शेख आणि साबिर शेख या २ दोन टेम्पोचालकांना अटक करण्यात आली असून ते आणि टेम्पोमालक यांवर गुन्हा नोंद करण्यात आला आहे. या प्रकरणी ‘अखिल कृषी गोसेवा संघा’चे सदस्य प्रतीक गायकवाड यांनी तक्रार दिली.