सटवाडी (बांदा) येथील श्री सटीदेवी मंदिरातील घंटेची चोरी

हिंदूंची मंदिरे अजूनही असुरक्षित ! – संपादक 

सावंतवाडी – तालुक्यातील सटवाडी, बांदा येथील श्री सटीदेवी मंदिरातील १० सहस्र रुपये किमतीची पितळेच्या घंटेची चोरी करण्यात आल्याचे १३ ऑक्टोबरला उघडकीस आले. याविषयी बांदा पोलीस ठाण्यात तक्रार नोंद करण्यात आली आहे.

सटवाडीत गेल्या मासात चोरी करण्याच्या घटना वाढल्या आहेत. यापूर्वी २ दुचाकी चोरण्यात आल्या होत्या; मात्र पोलिसांना अद्याप त्याचा शोध लावता आलेला नाही. मंदिरातील घंटा चोरीला जाण्याची एका मासात ही तिसरी घटना घडली आहे. त्यामुळे ग्रामस्थांमध्ये भीतीचे वातावरण निर्माण झाले आहे. ‘पोलिसांनी चोरांना लवकर पकडावे’, अशी मागणी केली जात आहे.