१० सहस्र रुपयांची लाच घेतांना पुणे येथील २ पोलीस ‘एसीबी’च्या कह्यात !

लाचखोर आणि भ्रष्ट पोलिसांमुळेच भ्रष्टाचार संपत नाही, असे कुणाला वाटल्यास चूक ते काय ? त्यासाठी पोलिसांची नियुक्ती करतांनाच नीतीवान, कर्तव्यदक्ष आणि राष्ट्रप्रेमी तरुणांना प्राधान्य द्यायला हवे !

पुणे, २४ सप्टेंबर – अपघाताच्या गुन्ह्यात साहाय्य करण्यासाठी १० सहस्र रुपयांची लाच घेणारे हवेली पोलीस ठाण्यातील श्रीपती कोलते आणि शिवाजी जगताप या २ पोलिसांना लाचलुचपत प्रतिबंधक विभागाच्या (एसीबी) पथकाने कह्यात घेतले आहे. त्यांच्याविरुद्ध सिंहगड पोलीस ठाण्यात गुन्हा नोंद केला आहे. या प्रकरणी ३३ वर्षीय व्यक्तीने ‘एसीबी’कडे तक्रार दिली होती.