कोरोनाबाधित रुग्णांची वाढती संख्या लक्षात घेऊन जनआशीर्वाद यात्रा पुढे ढकलावी ! – अजय सिंह सेंगर, महाराष्ट्र प्रमुख, करणी सेना

मुंबई – महाराष्ट्रात कोरोनाबाधित रुग्णांची संख्या वाढत आहे. त्यामुळे जनहित लक्षात घेऊन भाजपने जनआशीर्वाद यात्रा पुढे ढकलावी, असे आवाहन महाराष्ट्र करणी सेनेचे प्रमुख अजय सिंह सेंगर यांनी केले आहे. याविषयी २८ ऑगस्ट या दिवशी श्री. अजय सेंगर यांनी भाजपचे महाराष्ट्राचे प्रदेशाध्यक्ष चंद्रकांत पाटील यांची भेट घेऊन त्यांना याविषयीचे पत्र दिले आहे. कोरोनाची तिसरी लाट पसरू नये, यासाठी विरोधी पक्षाने सहकार्य करावे, असे आवाहन श्री. सेंगर यांनी या पत्रात केले आहे. कोरोनाचा संसर्ग रोखण्यासाठी राजकीय आणि सामाजिक कार्यक्रमांवर बंदी टाकणे आवश्यक आहे. यासाठी कडक शिक्षा वा आर्थिक दंड करणे आवश्यक आहे, असे आवाहन श्री. सेंगर यांनी केले आहे.