विषारी सापाने दंश केलेल्या एका व्यक्तीने सापाला चावून ठार केले ! 

विषारी सापाने दंश केल्यानंतर व्यक्ती जिवंत !

जाजपूर (ओडिशा) – कुत्र्याने किंवा सापाने मनुष्याला चावले, तर ती बातमी होत नाही; मात्र मनुष्याने त्यांना चावले आणि त्यात त्यांचा मृत्यू झाला, तर ती बातमी होते. अशीच घटना येथील एका दुर्गम गावामध्ये घडली आहे. गंभीरभतिपिया गावातील किशोर बद्रा रात्री त्याच्या शेतातून काम करून घरी परतत असतांना एका विषारी सापाने त्याच्या पायाचा चावा घेतला; म्हणून त्याचा सूड घेण्याकरता बद्रा याने त्या सापाला पकडले आणि त्याला वारंवार चावले. यात तो साप जागीच ठार झाला. यानंतर किशोर बद्रा रुग्णालयात न जाता पारंपारिक उपचार करणार्‍याकडे गेले आणि तेथे उपचार घेतले. विषारी सापाने चावा घेऊनही किशोर बद्रा यांची प्रकृती ठणठणीत आहे.