म्हापसा येथील श्री ज्वेलर्स दुकानात चोरी

 म्हापसा, ११ ऑगस्ट (वार्ता.) – ११ ऑगस्टला सकाळी म्हापसा येथील ‘श्री ज्वेलर्स’ या दुकानात चोरी झाल्याचा प्रकार उघडकीस आला आहे. या चोरीच्या घटनेत चोरांनी दुकानातील ५ किलो चांदीचे दागिने लंपास केले असल्याचे समजते. चोरी करतांना चोरट्यांनी दुकानाची भिंत फोडून दुकानात प्रवेश केला. दुकानाच्या मालकांनी या प्रकरणी पोलिसांत तक्रार नोंदवली असून यासंबंधी पोलीस अन्वेषण करत आहेत.