‘सीसीटीव्ही चित्रीकरणामध्ये दिसणारी व्यक्ती मीच आहे’, अशी आरोपीची स्वीकृती !

नसरापूर येथील बालिकेचे अपहरण आणि हत्या प्रकरण !

पुणे – नसरापूर येथील चिमुकलीचे अपहरण, लैंगिक अत्याचार आणि हत्या प्रकरणात न्यायालयात सादर करण्यात आलेल्या ‘सीसीटीव्ही चित्रीकरणामधे दिसणारी व्यक्ती मीच आहे’, अशी स्वीकृती आरोपी भीमराव कांबळे याने १९ जूनला न्यायालयात दिली; मात्र त्यापूर्वी त्‍याने ‘ती व्‍यक्ती स्वतः नसून पीडित मुलीलाही ओळखत नाही’, असा कांगावा करत बचाव करण्याचा प्रयत्न केला. त्‍याला सर्व चित्रीकरण ६ ते ७ वेळा ‘झूम’ करून दाखवण्यात आले. शेवटी त्याने स्वीकारले.