‘पतंजलि’चे स्टोअर उघडून देण्याच्या नावाखाली ५ लाखांची फसवणूक !

पुणे, १० ऑगस्ट – ‘पतंजलि स्टोअर’ उघडून देतो’, असे सांगून सायबर चोरांनी बाणेर येथील नागरिक आणि त्यांचा भाऊ यांचे ५ लाख ७० सहस्र रुपये लुबाडले. हा प्रकार २४ ऑक्टोबर ते ११ नोव्हेंबर २०२० या कालावधीत घडला. तक्रारदाराने यासाठी बँक खात्यात पैसे भरले. त्यानंतर ना ‘एजन्सी’ मिळाली, ना पैसे परत मिळाले. हे पैसे सुजित कुमार आणि शिवशंकर यादव यांच्या बँक खात्यात जमा झाल्याचे आढळले असून पुढील तपास चतु:श्रृंगी पोलीस करत आहेत.