पाकमध्ये धर्मांधाने हिंदु तरुणाला ‘अल्ला हू अकबर’ म्हणण्यास आणि हिंदूंच्या देवतांना शिवीगाळ करण्यास भाग पाडले !

घटनेचा व्हिडिओ प्रसारित झाल्यावर धर्मांधाला अटक !

इस्लामाबाद (पाकिस्तान) – येथील एका धर्मांधाकडून एका हिंदु तरुणाला ‘अल्ला हू अकबर’ म्हणण्यास आणि हिंदूंच्या देवतांना शिवीगाळ करण्यास भाग पाडल्याचा एक व्हिडिओ सामाजिक माध्यमातून प्रसारित झाला आहे. यानंतर पाकमधील विरोधी पक्षांतील हिंदूंच्या नेत्यांनी संताप व्यक्त करत धर्मांधावर कारवाई करण्याची मागणी केली.

#Pakistan में हिंदू लड़के से जबरन ‘अल्लाह-हू-अकबर’ बुलवाने के आरोपी शख्स को गिरफ्तार कर लिया गया है। आरोपी ने यूट्यूब पर इस घटना का वीडियो भी अपलोड कर दिया था जिसे बाद में हटा दिया गया। मामला 21 जून 2021 का और वीडियो पाकिस्तान के सिंध प्रांत के थारपारकर जिले का बताया जा रहा है। pic.twitter.com/mIWpJDgtVs

— TezTV (@TezChannel) July 27, 2021

हा व्हिडिओ प्रसारित झाल्यावर पोलिसांनी अब्दुल सलाम दाऊद याला थारपारकर जिल्ह्यातून अटक केली आहे. पोलिसांनी दाऊद याला अटक केल्याची छायाचित्रे प्रसारित झाली असून त्यात तो पोलिसांशी हात मिळवत आरामात उभा असल्याचे दिसत आहे. (म्हणजे पाक पोलिसांकडून करण्यात आलेली ही कारवाई वरवरचीच आणि हिंदूंच्या डोळ्यांत धूळफेक करणारीच म्हणावी लागेल ! – संपादक)