मिरज शिवसेना शहरप्रमुख चंद्रकांत मैगुरे यांना धनादेश चोरी प्रकरणात ४ दिवस पोलीस कोठडी !

मिरज – शहरातील रामकृष्ण आस्थापनेच्या एका धनादेश पुस्तकातून शिवसेना मिरज शहरप्रमुख चंद्रकांत मैगुरे यांनी त्यांच्या साथीदारासमवेत एक धनादेश चोरला होता. त्या धनादेशावर २० लाख रुपयांची रक्कम टाकून मैगुरे यांनी ती रक्कम त्यांच्या खात्यावर वर्ग केली, अशी तक्रार रामकृष्ण आस्थापनाने महात्मा गांधी चौक पोलीस ठाण्यात प्रविष्ट केली होती. त्यावर मैगुरे यांच्यावर गुन्हा नोंद झाला होता. या प्रकरणी मैगुरे यांचे अटकपूर्व जामीन आवेदन फेटाळल्यावर महात्मा गांधी चौक पोलिसांनी त्यांना १६ जुलै या दिवशी अटक केली. यानंतर चंद्रकांत मैगुरे यांना न्यायालयात उपस्थित केले असता त्यांना ४ दिवस पोलीस कोठडी देण्यात आली आहे.

शिवसेना मिरज शहरप्रमुख चंद्रकांत मैगुरे यांना अटक https://t.co/sdAOQ9rTSg

— Pudhari (@pudharionline) July 17, 2021