मुंबईत भरदिवसा ज्वेलर्स मालकाची हत्या करून दागिन्यांची चोरी

मुंबई – दहिसर येथील गावडे परिसरातील ‘ओम साईराज ज्वेलर्स’ या दागिन्यांच्या दुकानावर दिवसाढवळ्या घुसून ३ युवकांनी दागिन्यांची चोरी केली. या वेळी विरोध करणार्‍या दुकानाच्या मालकावर गोळ्या झाडून त्यांची हत्या करण्यात आली. ३० जून या दिवशी ही घटना घडली असून पोलिसांनी एका आरोपीला अटक केले आहे.

गोळीबारात मृत्यू झालेल्या दुकानदाराचे नाव शैलेद्र पांडे असे आहे. चोरी केल्यानंतर चोरट्यांनी दुचाकीवरून पळ काढला; मात्र ‘सी.सी.टि.व्ही. फुटेज’ वरून पोलिसांनी एका चोरट्याला अटक केली आहे. पोलिसांकडून अन्य चोरट्यांचा शोध चालू आहे.