राजगड पोलीस ठाण्यात कार्यरत असलेल्या पोलिसाची आत्महत्या !

यातून सर्वसामान्य जनतेसमवेत पोलिसांचे मनोबल वाढण्यासाठी प्रयत्न करणे आवश्यक आहे, हे लक्षात येते.

पुणे – राजगड पोलीस ठाण्यात कार्यरत असलेले तरुण पोलीस शिपाई रज्जाक मोहम्मद मणेरी (वय २४) यांनी भोर तालुक्यातील किकवी येथे त्यांच्या रहात्या घरी आत्महत्या केली. याविषयी रज्जाकचे वडील, निवृत्त पोलीस कर्मचारी मोहम्मद मणेरी यांनी राजगड पोलीस ठाण्यात माहिती दिली. रज्जाक गेल्या सहा मासांपासून राजगड पोलीस ठाण्यात कार्यरत होते. २१ जून रात्रीपासून ते भ्रमणभाष उचलत नसल्याने वडील आणि नातेवाईक किकवी येथे आले. त्यांच्या घराचा बंद दरवाजा उघडल्यावर त्यांनी आत्महत्या केल्याचे दिसून आले. घरातील फरशीवर रक्ताने ‘मॉम आय एम् सॉरी’ असे लिहिले होते. ही घटना समजताच वरिष्ठ पोलिस निरीक्षक संदीप घोरपडे यांनी घटनास्थळी धाव घेतली.