काँग्रेसचे खासदार राजीव सातव यांच्यावर शासकीय इतमामात अंत्यसंस्कार

१५ ते २० सहस्र लोकांची गर्दी !

हिंगोली – कोरोनाशी झुंज देत २३ दिवसांनंतर काँग्रेसचे खासदार राजीव सातव यांचे १६ मे या दिवशी सकाळी पुणे येथील एका खासगी रुग्णालयात निधन झाले. त्यांच्यावर १७ मे या दिवशी जिल्ह्यातील कळमनुरी येथे शासकीय इतमात अंत्यसंस्कार पार पडले. सातव यांचा मुलगा पुष्कराज याने त्यांना मुखाग्नी दिला. सध्या कोरोना संकटाच्या काळात अधिक व्यक्तींना एकत्र येण्यास बंदी घालण्यात आली आहे, तरीही सातव यांच्या अंत्यसंस्कारासाठी १५ ते १६ सहस्र लोक उपस्थित होते.