निलंबित पोलीस अधिकारी सचिन वाझे बडतर्फ !

मुंबई – प्रसिद्धी उद्योगपती मुकेश अंबानी यांच्या निवासस्थानाच्या जवळ स्फोटकासाठी वापलेल्या जाणार्‍या जिलेटीनच्या कांड्या आढळल्याच्या प्रकरणात अटक करण्यात आलेले पोलीस अधिकारी सचिन वाझे यांच्यावर मुंबई पोलीस दलाने बडतर्फीची कारवाई केली आहे. मुंबईचे पोलीस आयुक्त हेमंत नगराळे यांनी याविषयीचा आदेश काढला आहे.

स्फोटकांचे प्रकरण आणि ज्या गाडीत स्फोटके मिळाली, त्या गाडीचे मालक मनसुख हिरेन यांची हत्या या दोन्ही प्रकरणांत सचिन वाझे यांना अटक करण्यात आली असून केंद्रीय अन्वेषण विभागाकडून त्यांचे अन्वेषण चालू आहे. या प्रकरणी सचिन वाझे यांच्यावर यापूर्वीच निलंबनाची कारवाई करण्यात आली आहे.