पुणे येथे ठराविक रकमेपेक्षा अधिक रक्कम घेतांना महिलेशी अश्‍लील वर्तन करणार्‍या रुग्णवाहिका चालकाला अटक !

नैतिकता रसातळाला गेल्याचे उदाहरण !

पुणे, ९ मे – १४ सहस्र रुपये द्या, नाहीतर रुग्णाला रुग्णवाहिकेतून रस्त्यावर ठेवून निघून जाईन, अशी धमकी देत आणि रुग्णाचे काही बरे वाईट झाल्यास तुम्ही पाहून घ्या, अशी भीती दाखवून किशोर पाटील या रुग्णवाहिका चालकाने अवघ्या ९ कि.मी. अंतरासाठी ठरलेल्या दरापेक्षा अधिक दराने म्हणजे १४ सहस्र रुपये घेतले, तसेच पैसे स्वीकारतांना महिलेशी अश्‍लील वर्तन केले.

या प्रकाराविषयी संबंधित महिलेने पोलीस आयुक्त कृष्ण प्रकाश यांच्याकडे तक्रार केली असता त्याच्यावर पिंपरी पोलीस ठाण्यात गुन्हा नोंद करून त्याला अटक केली आहे.