राज्य सरकारकडून कोरोनाशी संबंधित चाचण्यांच्या दरात कपात !

पुणे – राज्य सरकारने काही दिवसांपूर्वीच कोरोनाशी संबंधित चाचण्यांच्या दरात कपात केली आहे. आर्.टी.पी.सी.आर्. आणि रॅपिड अँटीजेन चाचणीसाठी अनुक्रमे ५०० रुपये आणि १५० रुपये असा दर निश्‍चित केला आहे; मात्र पुणे शहरातील काही खासगी प्रयोगशाळा, रुग्णालये आणि कोरोना सेंटरमध्ये नागरिकांना आर्.टी.पी.सी.आर्. चाचणीसाठी ६०० रुपये ते १ सहस्र रुपये, तर रॅपिड अँटीजेन चाचणीसाठी १५० रुपये ते ३०० रुपये मोजावे लागत आहेत.