कोरोनाग्रस्त रुग्णांची संख्या वाढत असल्याने रुग्णालयातील खाटा अपुर्‍या !

पुणे – राज्यातील कोरोनाग्रस्त रुग्णांचा आकडा दिवसेंदिवस वाढत आहे. पुणे महानगरातही रुग्णसंख्या वाढत असल्याने रुग्णालयातील खाटा अपुर्‍या पडत आहेत. त्यामुळे रुग्णांसाठी काही रुग्णालयांनी हॉटेल्स भाड्याने घेतल्याची माहिती समोर येत आहे. रुबी रुग्णालयाने कोरोनाबाधित रुग्णांच्या उपचारासाठी ३ हॉटेल भाड्याने घेतली असून तेथे आणि १८० खाटांची व्यवस्था केली आहे. रुग्णसंख्या अशीच वाढत राहिल्यास सरकारी आणि अन्य रुग्णालयात रुग्णांसाठी जागा उपलब्ध होणार नाही, अशी भीती व्यक्त करण्यात येत आहे.