पुणे येथील उपमहापौर हिराबाई घुले यांच्या मुलासह ७० जणांवर पिंपरी पोलीस ठाण्यात गुन्हा नोंद !

पुणे – हिराबाई घुले यांची २३ मार्च या दिवशी शहराच्या उपमहापौरपदी बिनविरोध निवड झाल्यानंतर उपमहापौरांचा मुलगा चेतन घुले यांनी त्यांच्या ६० ते ७० कार्यकर्त्यांसह महापालिकेच्या प्रवेशद्वाराजवळ गर्दी करून घोषणाबाजी केली. कोरोनाचा संसर्ग वाढत असतांना जमावबंदीच्या आदेशाचे उल्लंघन केल्यामुळे त्यांच्यावर गुन्हा नोंद केला आहे. सुरक्षा पर्यवेक्षक दत्तात्रय भोर यांनी याविषयी पिंपरी पोलीस ठाण्यात तक्रार केली होती.