भाजपचे खासदार शर्मा यांची देहलीमध्ये गळफास घेऊन आत्महत्या

नवी देहली – भाजपचे ६२ वर्षीय खासदार राम स्वरूप शर्मा यांनी देहलीतील खासदार निवासात गळफास लावून आत्महत्या केली. पोलिसांना त्यांचा मृतदेह लटकलेल्या अवस्थेत आढळून आला. आतून दार बंद असल्याने ते तोडून पोलिसांनी आता प्रवेश केल्यावर ही घटना समोर आली. आत्महत्येचे कारण अद्याप समजू शकलेले नाही. राम स्वरूप शर्मा हिमाचल प्रदेशातील मंडी लोकसभा मतदारसंघाचे लोकप्रतिनिधी होते. काही आठवड्यांपूर्वी मुंबईत दमणचे खासदार मोहन डेलकर यांनी आत्महत्या केली होती.