नैराश्यामुळे बँक कर्मचार्‍याची खडकवासला धरणात उडी मारून आत्महत्या !

पुणे – विश्रांतवाडी भागातील एका बँकेत काम करणार्‍या कर्मचार्‍याने खडकवासला धरणात उडी मारली. वडील, पत्नी आणि आई या तिघांचाही मृत्यू झाल्यामुळे आलेल्या नैराश्यातून त्यांनी आत्महत्या केली असल्याचे पोलिसांनी सांगितले. सुजित भालेराव (वय ३८ वर्षे) असे आत्महत्या केलेल्या व्यक्तीचे नाव असून ते मुलीला घेऊन खडकवासला धरण परिसरातील कुडजे गावात नातेवाईकांसह रहात होते. (कोणत्याही परिस्थितीला धीराने तोंड देण्यासाठी तसेच मानसिक आरोग्य चांगले राहण्यासाठी सर्वांनी साधना करणे आवश्यक आहे. – संपादक)