पूजा चव्हाण आत्महत्या प्रकरणातील २ खासगी दावे न्यायालयाने फेटाळले

पुणे, ७ मार्च – पूजा चव्हाण आत्महत्याप्रकरणी लष्कर न्यायालयात नोंद करण्यात आलेले दोन्ही खासगी दावे न्यायालयाने फेटाळले आहेत. या प्रकरणात राजकीय व्यक्तीचा सहभाग आहे. त्यामुळे अद्याप या घटनेची सखोल चौकशी झालेली नाही. या प्रकरणात कुणाचा हात नाही, असे पोलीसही स्पष्ट करत नाहीत. त्यामुळे या प्रकरणाचा योग्य पद्धतीने तपास व्हावा. त्यानंतर संबंधितांवर गुन्हा नोंद करावेत, असे आदेश न्यायालयाने पोलिसांना करावेत, यासाठी हे दावे दाखल करण्यात आले होते. गुन्हा नोंद करण्यासाठी छायाचित्र आणि कॉल रेकॉर्डिंगचे सक्षम पुरावे नसल्याचे आदेशात म्हटले आहे.