ग्रामपंचायत निवडणुकीत विजयी झालेल्या धर्मप्रेमींना हिंदु जनजागृती समितीच्या वतीने ग्रंथ भेट !

कोल्हापूर, २ फेब्रुवारी (वार्ता.) – नुकत्याच झालेल्या ग्रामपंचायत निवडणुकीत केर्ली येथील धर्मप्रेमी सौ. नीलम महेश माने (काँग्रेस) आणि सौ. चंद्रभागा संभाजी मगदूम (काँग्रेस) या निवडून आल्या. हिंदु जनजागृती समितीच्या वतीने सौ. विजया वेसणेकर यांनी त्यांची सदिच्छा भेट घेऊन त्यांना सनातन संस्थेच्या वतीने प्रकाशित ‘अलंकारशास्त्र’ आणि ‘गुरुकृपायोग’ हे ग्रंथ भेट दिले. या वेळी सौ. नीलम माने म्हणाल्या, ‘‘श्रीकृष्णाच्या कृपेने आम्हाला हे यश मिळाले आहे. आमच्या परीने आम्ही धर्मकार्यात सहभागी होण्याचा प्रयत्न करू.’’ याप्रसंगी सनातन संस्थेचे साधक श्री. विलास वेसणेकर, धर्मप्रेमी सौ. रूपाली गोरडे, कु. शोभा माने आणि श्री. महेश माने उपस्थित होते.