सेरनाभाटी (सालसेत) येथे अनधिकृतरित्या गोवंशियांची हत्या : स्थानिकांच्या तक्रारीनंतर पोलिसांची कारवाई

जे नागरिकांना दिसते, कळते ते न दिसणारे, कळणारे पोलीस !

अनधिकृतरित्या गोवंशियांची हत्या होते, याविषयी गोमांसभक्षक आणि त्यांचे पाठीराखे राजकारणी गप्प असतात. राज्यात जरा कुठे गोमांसाची आयात बंद झाली की, हेच लोक त्याचा मोठा गवगवा करून त्यांचे भोजनच हिरावून घेतल्याचा आव आणतात.

मडगाव, १९ जानेवारी (वार्ता.) – सेरनाभाटी येथे गोवंशियांची अनधिकृतरित्या हत्या केली जात असल्याच्या स्थानिकांच्या तक्रारीनंतर कोलवा पोलिसांनी संबंधित ठिकाणी धाड घालून ४ संशयितांना कह्यात घेतले आहे.

सेरनाभाटी येथील स्थानिकांच्या मते संबंधित ठिकाणी अनेक वेळा गोवंशियांची हत्या केली जात होती आणि याला स्थानिकांनी विरोध दर्शवूनही ती थांबवली गेली नाही. याविषयी स्थानिकांनी पोलिसांकडे तक्रार नोंद केल्यानंतर कोलवा पोलिसांनी संबंधित ठिकाणी धाड टाकली. या ठिकाणी ४ गोवंशियांची हत्या करण्यात आली होती. पोलिसांनी ४ संशयितांना कह्यात घेऊन प्रकरणाचे अन्वेषण चालू केले आहे.