शिवसेना आमदार प्रताप सरनाईक यांच्या निकटवर्तियाला अटक

मुंबई – आर्थिक घोटाळ्याच्या प्रकरणी (मनी लाँड्रिंग) प्रकरणात अंमलबजावणी संचालनालयाने शिवसेना आमदार प्रताप सरनाईक यांचे निकटवर्तीय अमित चंदोल यांना १२ घंटे चौकशी केल्यानंतर अटक केली. एम्.एम्.आर्.डी.ए.ला सुरक्षारक्षक पुरवण्याचे कंत्राट टॉप्स ग्रुपने चंदोल यांच्या आस्थापनाला दिले होते. या प्रकरणात ही पहिलीच अटक आहे.

मनी लाँड्रिंग प्रकरणात चौकशीसाठी बोलावल्यानंतर शिवसेना आमदार प्रताप सरनाईक यांनी विलगीकरणात असल्याने पुढच्या आठवड्यात चौकशी करण्याची विनंती ईडीला केली आहे. ईडीने मंगळवारी सरनाईक यांच्या घरी आणि त्यांच्याशी संबंधित कार्यालये अशा १० ठिकाणी धाडी टाकल्या.