सिंधुदुर्गात कोरोनामुळे आतापर्यंत १३७ जणांचा मृत्यू

सिंधुदुर्ग – गेल्या २४ घंट्यांत जिल्ह्यात १३ नवीन कोरोनाबाधित रुग्ण आढळले. त्यामुळे कोरोनाबाधितांची आतापर्यंतची एकूण संख्या ५ सहस्र १०३ झाली आहे. जिल्ह्यातील कोरोनामुक्त रुग्णांची आतापर्यंतची एकूण संख्या ४ सहस्र ७९९ आहे. जिल्ह्यात सध्या १६१ रुग्णांवर उपचार चालू आहेत. २ जणांचा मृत्यू झाल्याने कोरोनामुळे मृत्यू झालेल्यांची एकूण संख्या १३७ झाली आहे, अशी माहिती जिल्हा शल्यचिकित्सक डॉ. श्रीमंत चव्हाण यांनी दिली.