धर्मांधासमवेत पळून गेलेल्या हिंदु युवतीचा कोरोनामुळे मृत्यू

रुग्णालयात भरती केल्यानंतर धर्मांधाने युवतीचे दायित्व न घेता पळ काढला

सोलापूर – येथील १९ वर्षीय हिंदु युवती रिक्शावाला हैदर महंमद मोटगी याच्यासमवेत ३० ऑक्टोबर या दिवशी पळून गेली होती. तिला कोरोना झाल्याने २ नोव्हेंबर या दिवशी पुणे येथील एका खासगी रुग्णालयात भरती करण्यात आले; मात्र तिचा उपचाराच्या वेळी मृत्यू झाला. ३ नोव्हेंबर या दिवशी युवतीच्या कुटुंबियांनी जोडभावी पेठ पोलीस ठाणे येथे युवती हरवल्याची तक्रार प्रविष्ट केली होती.

१. पळून गेल्यावर दोघेही पुणे येथे भाड्याने खोली घेऊन रहात होते. कोरोना झाल्यामुळे युवतीला रुग्णालयात भरती केले असता हैदर मोटगी याने तिचे दायित्व न घेता तेथून पळ काढला. मृतदेह अधिक काळ ठेवता येत नसल्याने पुणे येथील प्रशासकीय संस्थेने त्यावर अंत्यसंस्कार केले. पोलिसांनी हैदर मोटगी याला कह्यात घेतले आहे. (हिंदूंनो, खोट्या प्रेमाच्या जाळ्यात अडकवून नंतर दायित्व झिडकारणार्‍या धर्मांधांचा खरा चेहरा जाणा आणि स्वत:च्या मुलींना धर्मशिक्षण देऊन ‘लव्ह जिहाद’पासून वाचवा ! – संपादक)

२. घटनेची माहिती मिळताच सोलापूर येथील विविध संघटनांच्या कार्यकर्त्यांनी हे ‘लव्ह जिहाद’चे प्रकरण असून संबंधित धर्मांधावर हत्येचा गुन्हा नोंद करण्याची मागणी केली होती. त्यानंतर पोलिसांनी परिपत्रकाद्वारे संबंधित दोघे सज्ञान असल्यामुळे सामाजिक प्रसार माध्यमावर खोटी माहिती पसरवून समाजात तेढ निर्माण करू नका, अन्यथा गुन्हे नोंद करण्याची चेतावणी दिली.