सनातन प्रभात > Post Type > बातम्या > आंतरराष्ट्रीय बातम्या > काश्मीरमधील प्रत्येक कब्रस्तानमध्ये पाकिस्तानी आतंकवाद्यांच्या कबरी ! – Terrorist Shamsher Khan

काश्मीरमधील प्रत्येक कब्रस्तानमध्ये पाकिस्तानी आतंकवाद्यांच्या कबरी ! – Terrorist Shamsher Khan

पाकिस्तानी आतंकवादी संघटना ‘हिजबुल मुजाहिदीन’चा उपप्रमुख कमांडर शमशेर खान याची स्वीकृती !

आतंकवादी शमशेर खान

इस्लामाबाद (पाकिस्तान) – पाकिस्तानमधून पाठवलेले आतंकवादी काश्मीरमध्ये बर्‍याच काळापासून सक्रीय आहेत. पाकिस्तानी आतंकवादी काश्मीरमध्ये केवळ ‘लढत’ नाहीत, तर त्यांच्या कबरी प्रत्येक शहरात अस्तित्वात आहेत. काश्मीरमधील लोलाब, कुपवाडापासून ते कठुआपर्यंत प्रत्येक शहरात पाकिस्तानी आतंकवाद्यांच्या कबरी आहेत. काश्मीरमध्ये असे कोणतेही कब्रस्तान (स्मशानभूमी) नाही, जिथे एखाद्या पाकिस्तान्याचे दफन केलेले नाही, अशी स्वीकृती पाकिस्तानी आतंकवादी संघटना ‘हिजबुल मुजाहिदीन’चा उपप्रमुख कमांडर शमशेर खान याने दिली. त्याचा एक व्हिडिओ प्रसारित झाला आहे. त्यात त्याने ही स्वीकृती दिली. त्याच्या या स्वीकृतीमुळे काश्मीरमध्ये आतंकवादाला पाकिस्तान खतपाणी घालत आहे, हे पुन्हा उघड झाले.

शमशेरचा हा व्हिडिओ ८ जुलैचा असल्याचे सांगितले जात आहे. तो पाकव्याप्त काश्मीरमधील मुझफ्फराबादमध्ये ‘जमात-ए-इस्लामी’च्या एका कार्यक्रमात बोलत होता. तो म्हणाला की, काश्मीरचे पाकिस्तानशी एक नाते असून ते कुणीही तोडू शकत नाही.

शमशेरचा हा व्हिडिओ अशा वेळी समोर आला आहे, जेव्हा पाकव्याप्त काश्मीरचे  लोक पाकिस्तानी सैन्य आणि सरकार यांच्याविरुद्ध रस्त्यावर उतरले आहेत. येथे लोक ‘जॉईंट अवामी ॲक्शन कमिटी’च्या नेतृत्वाखाली निदर्शने करत आहेत. शमशेर खान याने या कमिटीवर टीका करत पाकिस्तानशी विश्वासघात केल्याचा आणि भारताच्या हितासाठी काम करत असल्याचा आरोप केला आहे.

संपादकीय भूमिका

असे असतांना भारत पाकवर कारवाई करत नाही आणि पाक सातत्याने काश्मीरमध्ये आतंकवादी कारवाया करत रहातो, हे लज्जास्पद !

नूतन लेख