कांदिवली येथे तरुणाकडून अल्पवयीन मुलीची हत्या !

मुंबई – कांदिवली पूर्व येथे एकतर्फी प्रेमातून सूरज वाघमारे या २२ वर्षांच्या तरुणाने १२ वीत शिकणार्‍या अल्पवयीन विद्यार्थिनीची निर्घृण हत्या केली. सूरज पीडित मुलीवर प्रेमसंबंध ठेवण्यासाठी दबाव टाकत होता. तो आत्महत्येची धमकी देऊन तिला मानसिक त्रास देत होता. मुलीच्या कुटुंबियांनी यापूर्वी समतानगर पोलिसांत तक्रार दिली होती; परंतु पोलिसांनी आरोपीला कह्यात घेऊन सोडून दिले होते. त्यांनतर मुलगी बेपत्ता झाली. कुटुंबीय आरोपीच्या घरी गेले असता त्याने अनभिज्ञ असल्याचे नाटक केले; परंतु नंतर जंगलात तिचा मृतदेह मिळाला. चाकूने तिच्या चेहर्‍यावर १६ पेक्षा अधिक वार केल्याचे लक्षात आले.