गुरुदेवांच्या भावभेटीतील भावानंदाचा आविष्कार !

मी तो एक नर भाग्यवान खरा ।
सद्गुरुश्री डोळा देखियेला ।।

गुरु भक्तीदाता माय ताता ।
करी कृपेची साऊली ।।

भक्ती कळी ही उमले ।
मधुवास दंग झाले ।।

‘ही तहान-भूक  ना  राहे । अचल चित्त राहे ।
गुरुवाचूनी दुसरे दैवत जगी ना हे ।।’

अशी अवस्था अनुभवास देणारी पू. विनायक कर्वे यांची सच्चिदानंद परब्रह्म गुरुदेवांना सर्वस्व वाहिल्याप्रमाणे झालेली स्थिती ! ‘गुरुदेवांनी हातात हात घेऊन त्यांचा केलेला स्वीकार’ ही भावभेट पहाणार्‍याचा भाव जागृत करते ! (वर्ष २०१९)

तव प्रीतीचे मोल कुणाला ।
कळले ना प्रभु अज्ञानाला ।।

गुरुभेटीनंतर ‘नाथांचा नाथ माझा ।
देई शांती या मनाला चरणासी लीन व्हाया ।।’

अशीच अवस्था प्रत्येक शिष्याची होते. सच्चिदानंद परब्रह्म गुरुदेवांशी झालेल्या संवादानंतर पू. महेंद्र क्षत्रीय यांच्या मुखमंडलावर दिसणारे पूर्ण समाधान गुरूंची भावभेट कशी अविस्मरणीय असते, हेच दर्शवते ! (वर्ष २०१९)