कलबुर्गी (कर्नाटक) : न्यायालयाने बलात्कारी रझाकला सुनावली जन्मठेपेची शिक्षा

कलबुर्गी (कर्नाटक) – विवाहाचे खोटे आश्वासन देऊन एका अल्पवयीन मुलीवर वारंवार लैंगिक अत्याचार करणार्‍या २० वर्षीय तरुणाला येथील विशेष ‘पॉक्सो’ न्यायालयाने जन्मठेपेची शिक्षा सुनावली. या वेळी त्याच्यावर ५५ सहस्र रुपयांचा दंडही ठोठावण्यात आला. एका महिन्याच्या आत पीडितेला ५ लाख रुपयांची हानीभरपाईही देण्यात यावी, असे न्यायालयाने सांगितले. रझाक सब शेख असे बलात्कार्‍याचे नाव असून तो कलबुर्गी उपनगर पोलीस ठाण्याच्या सीमेतील ‘ए.पी.एम्.सी. यार्ड’ परिसरातील ‘हमाल संघ’ येथील रहिवासी आहे.

रझाकने लग्नाचे आमिष दाखवून १६ वर्षीय मुलीला फूस लावून पळवून नेले. त्याने तिला कलबुर्गी शहरातील रामनगरच्या एका कारखान्यात नेले आणि तिथे तिच्यावर सतत लैंगिक अत्याचार केले.