योग शरिराला वयाच्या ४० व्या वर्षी २० व्या वर्षापेक्षा अधिक लवचिक करण्यासाठी साहाय्यभूत ! : PM Narendra Modi

कोलकाता (बंगाल) – योग हा केवळ शारीरिक व्यायाम नाही आणि तो कोणत्याही एका वयोगटापुरता मर्यादित नाही. ती मानवी आत्म्याची अभिव्यक्ती आहे. योग आपल्याला संतुलित आयुष्य जगायला शिकवतो, तसेच काय करावे ? अन् काय करू नये ?, यांची जाणीव करून देतो, असे मार्गदर्शन पंतप्रधान मोदी यांनी येथे केले. येथील ‘रेड रोड’वर आंतरराष्ट्रीय योगदिनानिमित्त जमलेल्या सहस्रो योगसाधकांना संबोधित करतांना पंतप्रधानांनी हे वक्तव्य केले.

Yoga is the secret to staying young! 🧘‍♂️✨

As PM Modi shared in Kolkata, yoga helps make the body more flexible at age 40 than it was at age 20.

Truly a testament to the power of this ancient practice!

With events held at 2,500+ locations worldwide, the global celebration of… pic.twitter.com/MTi6tSQZZQ

— Sanatan Prabhat (@SanatanPrabhat) June 21, 2026

वयाचा संदर्भ देत पंतप्रधान पुढे म्हणाले, आपले ध्येय असे असायला हवे की, आपले शरीर वयाच्या ४० व्या वर्षी २० व्या वर्षापेक्षा अधिक लवचिक असले पाहिजे, तर वयाच्या ६० व्या वर्षी ३० व्या वर्षापेक्षा अधिक ऊर्जावान राहिले पाहिजे. आपण योग केवळ ठराविक प्रसंगांपुरता मर्यादित ठेवू नये. त्यास आपल्या प्रतिदिनच्या आयुष्याचा भाग बनवला पाहिजे. याच उद्देशाने सरकारने यावर्षी ‘योग ३६५’ ही संकल्पना आणली असून त्याअंतर्गत १०० दिवसांचे ऑनलाईन योगवर्गही चालू करण्यात आले आहेत.

जगभरात २ सहस्र ५०० ठिकाणी कायक्रमांचे आयोजन !

आंतरराष्ट्रीय योगदिनानिमित्त जगभरात प्रचंड उत्साह पहायला मिळाला. जगातील जवळपास अडीच सहस्रांहून अधिक ठिकाणी विविध कार्यक्रमांचे आयोजन करण्यात आले आहे. यांमध्ये २१० पेक्षा अधिक भारतीय दूतावास आणि केंद्र यांचा सहभाग आहे.