Trump On Iran :  इराणला २८ लाख कोटी रुपये देण्याचे वृत्त खोटे ! – ट्रम्प यांचे स्पष्टीकरण

वॉशिंग्टन (अमेरिका) – इराणला २८ लाख कोटी रुपये देण्याचे वृत्त खोटे आहे.  विरोधी पक्ष असलेल्या डेमोक्रॅटिक पक्षाने पसरवलेली ही चुकीची माहिती आहे, असे अमेरिकेचे राष्ट्राध्यक्ष डॉनल्ड ट्रम्प यांनी सामाजिक माध्यमात पोस्ट करत म्हटले. ‘न्यूयॉर्क टाइम्स’च्या एका वृत्तात असा दावा करण्यात आला होता की, जर एखादा करार झाला, तर अमेरिका इराणला अनुमाने २८ लाख कोटी रुपयांचे आर्थिक साहाय्य देईल.

ट्रम्प यांनी इस्रायलचे पंतप्रधान बेंजामिन नेतान्याहू यांना लेबनॉनच्या सूत्रावर अधिक दायित्वाने वागण्याचा सल्ला दिला आहे. ते म्हणाले की, मी नसतो, तर इस्रायलचे अस्तित्वच राहिले नसते. अमेरिकेच्या इतर कोणत्याही राष्ट्राध्यक्षाने इस्रायलसाठी माझ्याइतके काम केलेले नाही.