उत्तराखंडमध्ये खलिस्तानी आतंकवाद्याला अटक : मोठा शस्त्रसाठा जप्त

रुद्रपूर (उत्तराखंड) – राज्यातील उधमसिंह नगर येथून ईशानप्रीत सिंह या खलिस्तानी आतंकवाद्याला आतंकवादविरोधी पथकाकडून अटक करण्यात आली असून त्याच्याकडून ३ जिगाना (सेमी ऑटॉमेटिक) पिस्तूल, ३ बरेटा (महागडी आणि उच्च तंत्रज्ञान असलेली) पिस्तूल, ६ चिनी पिस्तूल, २० मॅगझिन आणि सुमारे ९०० ग्रॅम हेरॉईन जप्त करण्यात आले. तो अमृतसरचा रहिवासी आहे.

ईशानप्रीत सिंह याला ही सर्व शस्त्रे पाकिस्तानमधून ड्रोनद्वारे पंजाब सीमेवर पोचवण्यात आली होती. (पाकिस्तानकडून भारताच्या विरोधात कुरापती काढणे चालू असतांना भारत ‘ऑपरेशन सिंदूर-२’ करण्यासाठी कोणत्या घटनेची वाट पहात आहे ? – संपादक) तो १५ ऑगस्टपूर्वी कोणतीतरी मोठा घातपात घडवण्याच्या सिद्धतेत होता. त्याचे साथीदार सध्या पंजाब, उत्तराखंड आणि उत्तरप्रदेश राज्यांमध्ये सक्रीय आहेत.