Vinod Kashyap Murder : देहराडून (उत्तराखंड) येथे भाजपचे नेते विनोद कश्यप यांच्या हत्येच्या प्रकरणी आतापर्यंत ५ मुसलमानांना अटक

देहराडून (उत्तराखंड) – देहराडून जिल्ह्यातील विकास नगर येथील बैरागीवाला परिसरात भाजपचे नेते विनोद कश्यप यांच्या हत्येच्या प्रकरणी पोलिसांनी आतापर्यंत इम्तियाज, रज्जाक, सलमान, जावेद आणि शहबाज यांना अटक केली असून अजून ७ मुसलमान पसार आहेत. शेतातील सिंचन आणि पैशांची देवाण-घेवाणी, यांवरून ही हत्या करण्यात आली.

हत्येनंतर संतप्त जमावाचा हिंसाचार : २५ मुसलमान कुटुंबांचे घर सोडून पलायन  

विनोद कश्यप यांच्या हत्येनंतर १४ जूनला मोठ्या प्रमाणात संतप्त जमावाकडून हिंसाचार करण्यात आला. यात काहींनी मुसलमान आरोपींच्या २ घरांना आग लावली. पोलिसांवर दगडफेक करण्यात आली. प्रत्युत्तरात पोलिसांनी लाठीमार करून जमावाला पांगवले. या काळात काही वाहनेही जाळण्यात आली. या हिंसाचारानंतर येथील २५ हून अधिक मुसलमान कुटुंबांनी घर सोडून पलायन केल्याचे सांगितले जात आहे. तसेच येथील मशिदीलाही कुलूप लावण्यात आले आहे. दुसरीकडे जिल्हाधिकार्‍यांच्या आदेशाने आरोपींचे १ घर आणि २ दुकाने बुलडोजर चालवून पूर्णपणे पाडण्यात आली आहेत.