US President Donald Trump : (म्हणे) ‘अमेरिकेने इराणच्या आक्रमणांपासून भारतीय नौकांचे रक्षण केले !’ : डॉनल्ड ट्रम्प

वॉशिंग्टन (अमेरिका) – अमेरिकेने इराणच्या आक्रमणांपासून भारतीय नौकांचे रक्षण केले, असे निलाजरे विधान अमेरिकेचे राष्ट्राध्यक्ष डॉनल्ड ट्रम्प यांनी केले. अमेरिकेने ओमानजवळील समुद्रात असलेल्या‘एम.टी. सेटेबेल्लो’ या नौकेवर केलेल्या आक्रमणात ३ भारतीय नागरिकांचा नुकताच मृत्यू झाला. या पार्श्वभूमीवर भारताने अमेरिकेचा कठोर शब्दांत निषेध केला. यावर डॉनल्ड ट्रम्प यांनी वरील विधान केले.

ट्रम्प पुढे म्हणाले की, ‘हॉर्मुझमधून जाणार्‍या भारतीय कर्मचारी असलेल्या नौकांवर इराणने ड्रोनद्वारे आक्रमण करण्याचा प्रयत्न केला होता; अमेरिकेच्या सैन्याने हा प्रयत्न हाणून पाडला.’ अलीकडे ओमानच्या आखातात ‘एम्.टी. मारिव्हेक्स’, ‘एम्.टी. सेटेबेलो’ आणि ‘एम्.टी. जलवीर’ या व्यापारी नौकांवर झालेल्या आक्रमणांचा भारतीय कर्मचार्‍यांना चांगलाच फटका बसला.

इराणने दावा फेटाळला !

इराणने ट्रम्प यांचा दावा फेटाळून लावत इराणने भारतीय नागरिक असलेल्या कुठल्याही नौकेवर ड्रोनद्वारे आक्रमण केले नाही, असा खुलासा केला.