अभिनेते सलमान खान यांनी केले पर्यावरण नियमांचे उल्लंघन ! – शेजार्‍यांचा व्हिडिओतून आरोप

मुंबई – अभिनेते सलमान खान यांनी त्यांच्या पनवेल येथील ‘फार्म हाऊस’च्या (‘शेतातील घरा’च्या) बांधकामासाठी पर्यावरणाच्या नियमांचे उल्लंघन केले, असा आरोप त्यांचे शेजारी केतन कक्कर यांनी केला. त्यांच्या घराकडे जाणारा रस्ताही खान यांनी बंद केला, असे कक्कर यांचे म्हणणे आहे. या संदर्भात त्यांनी संबंधित अधिकार्‍यांकडे तक्रार करूनही त्यांच्या तक्रारीची नोंद घेण्यात आली नाही. (सलमान खान वलयांकित व्यक्ती असल्यामुळे अधिकारी त्यांच्यावर कारवाई करू धजावत नाहीत, असेच यातून म्हटले पाहिजे. संबंधित अधिकार्‍यांवर कारवाई होणार का ? – संपादक)

Bombay ​High Court orders removal of video accusing Salman Khan of environmental violations.

Why do officials turn a blind eye to high-profile figures?

Will the authorities face action?

Also, a deafening silence from environmentalists right now.

​#SalmanKhan #Environment… pic.twitter.com/lxRbOZYM1F

— Sanatan Prabhat (@SanatanPrabhat) June 13, 2026

कक्कर यांनी कंटाळून स्वत:चा व्हिडिओ बनवून तो सामाजिक माध्यमांत प्रसारित केला. व्हिडिओतून अपकीर्ती होत असल्याचा आरोप करून खान यांनी प्रथम दिवाणी न्यायालयात याचिका प्रविष्ट केली. न्यायालयाने कक्कर यांना सामाजिक माध्यमांतून व्हिडिओ काढून टाकण्याचा आदेश देण्यास नकार दिल्यावर खान यांनी उच्च न्यायालयात धाव घेतली.

‘कक्कर यांच्या पोस्ट अपकीर्ती करणार्‍या आणि जातीय तेढ निर्माण करणार्‍या असून अनेकांनी त्या पाहिल्या अन् त्यावर प्रतिक्रिया दिल्या आहेत’, असा दावा खान यांनी उच्च न्यायालयात केला होता. यावर न्यायालयाने म्हटले की, सामाजिक माध्यमांचा वापर सहज करता येतो, याचा अर्थ हा नाही की, कुणाविरुद्ध अवमानकारक व्हिडिओ बनवणे. यासंदर्भात न्यायालयाने कक्कर यांना व्हिडिओ काढून टाकण्यावर विचार करण्यास सांगितले. तसेच खान यांच्या विरोधात कायद्याने दिलेल्या मार्गांनी कारवाईसाठी प्रयत्न का केले नाहीत, असा प्रश्न विचारला. कक्कर यांनी यावर ‘अधिकार्‍यांशी संपर्क करूनही त्यांनी कोणतीही कारवाई न केल्याने सामाजिक माध्यमांवर व्हिडिओ पोस्ट केला’, असे म्हटले.