मुसलमानांचे लांगूलचालन का केले जात आहे ? – गोरक्षक शिवशंकर स्वामी 

पुणे, १० जून (वार्ता.) – बोपोडी येथील दर्गा पाडल्यानंतर उपमहापौर परशुराम वाडेकर यांनी महापालिकेने गुपचूप कारवाई केल्याचा आरोप केला होता. त्यावर स्थानिक हिंदुत्वनिष्ठ संताप व्यक्त करत आहेत. या प्रकरणी येथील गोरक्षक आणि मानद पशूकल्याण अधिकारी श्री. शिवशंकर स्वामी म्हणाले की, बोपोडी येथील दर्गा मेट्रो रेल्वेला धोकादायक अशा स्थितीत असल्याने तो पाडण्यासाठी आम्ही प्रशासनाला निवेदन दिले होते. त्यानंतर बराच कालावधी उलटल्यानंतर हा दर्गा पाडण्यात आला. त्यापूर्वी तिथे बौद्ध विहारही होते. तेही आधी पाडण्यात आले. मग उपमहापौरांचे वक्तव्य आताच का आले ? मुसलमानांचे लांगूलचालन का केले जात आहे ? असा संतप्त प्रश्न केला. श्री. शिवशंकर स्वामी यांनी अशाच प्रकारे शिवाजीनगर पोलीस लाईन मधील मशिदीविषयी तक्रार केली आहे.